2018/07/11

Zergak

Kanpaina amaituta, ZergaBidea plataforman jarri dira modalitate mekanizatua eta proposamena erabiliz aurkezten diren 2017ko errenta aitorpenak. Hori dela-eta, ZergaBidea plataforman orain posible da 2017ko edozein errenta aitorpen kontsultatzea.

2017ko errenta aitorpena ordaintzera atera bada eta ordainketa zatikatuta badago, oraindik bigarren ordainketa egitea falta zaio, zorraren %40 hain zuzen.

Bi egoera:

- Lehen ordainketa helbideratzea aukeratu bazen (%60), gainerako %40a ere bankutik helbideratuko da (2018/11/12an). Zergabidea plataformatik ordainketa aurreratu daiteke ordainketa-gutuna edo ordainketa-pasabidea erabilita.

- Lehen ordainketa egiteko (%60) ordainketa-gutuna edo ordainketa-pasabidea aukeratu bazen, ZergaBidea plataforman aukeratu beharko da nola egin nahi den bigarren ordainketa (%40).

Bestalde, helbideratze kontua ere aldatu daiteke, baita ordainketa zatikatu edo geroratu ere.

Iturria: Gipuzkoako Foru Aldundia